ဟူးကောင်းဒေသ ရွှေတူးဖော်မှုဆိုင်ရာ Data ကောက်ယူခြင်း။
Posted by: MMWN | Posted on: May 15, 2023နောက်ခံသမိုင်းကြောင်း
မြေယာအခြေအနေ
၎င်းသက်ကယ်ရွှေမှော်၏ မြေဧရိယာသည် ကုန်းတစ်ဝက်၊ မြေပြန့်တစ်ဝက်၊ ချိုင့်ဝှမ်းတစ်ဝက်ဖြင့် မညီညာသောမြေပြင်အနေအထားဖြစ်သည်။ ဘေးပတ်လည်တွင် ချောင်းရေစီးဆင်းသော နေရာများရှိသည်။ သစ်သောများစွာပေါက်ရောက်သောနေရာဖြစ်သည်။ နွေရာသီတွင် ကားလမ်း၊ ဆိုင်ကယ်လမ်းများ ကောင်းမွန်စွာ သွားလာနိုင်သော်လည်း မိုးရာသီတွင် အင်မတန်ခက်ခဲလှသော လမ်းများဖြစ်သည်။ ၎င်းလမ်းသည် မြေနီလမ်းတစ်ဝက်နှင့် သဲကျောက်လမ်းဖြစ်သည်။ ရွှေတူးဖော်မှု များပြားလာသောကြောင့် လယ်ယာရှားပါးလာသည်။
ရင်းနှီးမြုပ်နှံမှု
အခွန်
လက်နက်ကိုင်
သက်ကယ်ရွှေမှော်သည် ကေအိုင်အို အဓိကထိန်းချုပ်ရာ နေမြေဖြစ်သည်။ သို့ပါသော်လည်း အခြားသောအဖွဲ့အစည်း လက်နက်ကိုင်များမှလည်း အသွင်ပြောင်းကာ စုံစမ်းရောက်ရှိ လာတတ်ကြသည်။ ၎င်းရွှေမှော်အသွားလမ်း တိန်ကောက်ကျေးရွာတွင် စကစ တပ်စခန်း တည်ရှိသည်။ တနိုင်း(စကစ) လက်အောက်ခံဖြစ်သည်။ ကေအိုင်အေ တပ်စခန်းနှင့် မနီးမဝေး အခြေအနေတွင် တည်ရှိသည်။
မြေယာသိမ်းဆည်းမှု
၎င်းသက်ကယ်ရွှေမှော်တွင် မြေယာသိမ်းဆည်းမှုဖြစ်ခြင်း၊ အငြင်းပွားခြင်းမရှိချေ။ အေအိုင်အို အစိုးရဘက်မှ လယ်ဧက (၁၀)ဧကခန့် ဖောက်လုပ်ပေးနေကြောင်း သိရသည်။ သဘာဝသစ်တောများအား ဖောက်လုပ်ကာ ရွှေတူးဖော်ခြင်းသာ အများပိုင်းဖြစ်သည်။
လူမှုယဉ်ကျေးမှု
တိုင်းရင်းသားပေါင်းစုံ ကချင်၊ ရခိုင်၊ ဗမာ၊ တရုတ်၊ ရှမ်း စသော လူမျိုးပေါင်းစုံ လုပ်ကိုင်ရှာဖွယ် စားသောက်သော နေရာဖြစ်ပြီး အချင်းချင်း ရိုင်းပင်းကူညီပေးနေခြင်းဖြင့် ရှေ့ဆက်နေကြသည်။ အဆင်ပြေ ချောမွေ့စွာဖြင့် ဆက်ဆံနေကြောင်း သိရသည်။ လီဆူ၊ ရဝမ် လူမျိုးတို့သည်သည် ရံဖန်ရံခါ လာတတ်ကြသည်။
လုံခြုံရေး
ကေအိုင်အို ထိန်းချုပ်ရာနယ်မြေဖြစ်သောလည်း တခါတရံတွင် စကစ များ လေယဉ်ဗုံးကျဲခြင်းများ ရှိနေသည်။ ထို့ကြောင့် လုပ်ငန်းရှင်မှ စိုးရိမ်နေကြသည်။